والله نكتة!
مع أول دعوات اﻻضراب، جروب البربرايين المصريين اللي اتكلمت عنه في البوست اللي فات كان عارض اﻻضراب وعملوا شعارات مضادة، بدعوى انه اﻻخوان هم اللي منظمينه في الخفاء عشان يخربوا البلد ويقعدوا على تلها..
امبارح اﻻخوان أعلنوا انهم مش هيشاركوا في اﻻضراب وانهم مش هيدخلوا فعالية غير معروفة اﻻهداف وﻻ معروف منظميها وانه محصلش تنسيق مسبق معاهم!..
عايز اروح اتفرج عالجروب اﻷهبل واشوف رأيهم إيه في الموضوع ده دلوقتي بس مكسل الحقيقة..
في كمان في مجموعة المدونين العرب في اتتنين اخوة برضو ماسكين بعض شرشحة، واحد ليبرالي تنويري 5000 فولت، والتاني اسلامي مش عارف اصنفه، بيقول انه بدماغه يعني وده واضح فعلا..المهم اﻻتنين رغم خناقهم ده إﻻ انه موقفهم من اﻻضراب متطابق برضو..
الليبرالي شايف انه والله الزيادة السكانية مع قلة الموارد هي السبب في مشاكلنا، وعليه احنا ﻻزم نشتغل أكتر مش نضرب..
واﻻسلامي شايف انه التظاهر واﻻضراب وغيره حرام وبدعة وخروج على وﻻة الأمر وانه اللي احنا فيه سببه المعاصي والذنوب وحاجات تانية كتير ملحقتش احفظها وراه..
طب بتتعاركوا ليه بقى؟..بتصدعوني انا ليه؟
أنا بالمناسبة مش مستغرب من اﻻتنين دول ومش شايف الموضوع ده أول مرة يحصل مثلا، أنا عارف من زمان انه في اسلاميين في مرجعياتهم توصلوا لنفس الحالة العلمانية، بس من الناحية التانية، يعني العلماني يقول لك خلي الشيوخ للمساجد وسيبلي السياسة، واﻻسلامي اللي من اياهم يقول لك سيبلي الدين في المسجد وخلي لهم هم السياسة..وكل ما يتقابلوا يتعاركوا ويكفروا بعض!!
دماغنا ارحمونا!
مع أول دعوات اﻻضراب، جروب البربرايين المصريين اللي اتكلمت عنه في البوست اللي فات كان عارض اﻻضراب وعملوا شعارات مضادة، بدعوى انه اﻻخوان هم اللي منظمينه في الخفاء عشان يخربوا البلد ويقعدوا على تلها..
امبارح اﻻخوان أعلنوا انهم مش هيشاركوا في اﻻضراب وانهم مش هيدخلوا فعالية غير معروفة اﻻهداف وﻻ معروف منظميها وانه محصلش تنسيق مسبق معاهم!..
عايز اروح اتفرج عالجروب اﻷهبل واشوف رأيهم إيه في الموضوع ده دلوقتي بس مكسل الحقيقة..
في كمان في مجموعة المدونين العرب في اتتنين اخوة برضو ماسكين بعض شرشحة، واحد ليبرالي تنويري 5000 فولت، والتاني اسلامي مش عارف اصنفه، بيقول انه بدماغه يعني وده واضح فعلا..المهم اﻻتنين رغم خناقهم ده إﻻ انه موقفهم من اﻻضراب متطابق برضو..
الليبرالي شايف انه والله الزيادة السكانية مع قلة الموارد هي السبب في مشاكلنا، وعليه احنا ﻻزم نشتغل أكتر مش نضرب..
واﻻسلامي شايف انه التظاهر واﻻضراب وغيره حرام وبدعة وخروج على وﻻة الأمر وانه اللي احنا فيه سببه المعاصي والذنوب وحاجات تانية كتير ملحقتش احفظها وراه..
طب بتتعاركوا ليه بقى؟..بتصدعوني انا ليه؟
أنا بالمناسبة مش مستغرب من اﻻتنين دول ومش شايف الموضوع ده أول مرة يحصل مثلا، أنا عارف من زمان انه في اسلاميين في مرجعياتهم توصلوا لنفس الحالة العلمانية، بس من الناحية التانية، يعني العلماني يقول لك خلي الشيوخ للمساجد وسيبلي السياسة، واﻻسلامي اللي من اياهم يقول لك سيبلي الدين في المسجد وخلي لهم هم السياسة..وكل ما يتقابلوا يتعاركوا ويكفروا بعض!!
دماغنا ارحمونا!
12 comments:
اسمح لي اكلمك كده لاول مرة
هاكلمك كده....عاجبك مش عاجبك هاكلمك
:))
بقى انتي ياض قاعد مستخبي هنا وعمال تتكلم وانا اقول هو ساكت ليه
وعمال تبعبع وتبرطع ومديها كمان
طويب
افتكرها
على فكرة انا مبقوق قوي من اللي قالوا اضراب وماحدش عزمنا
هو عيد ميلاد
!!!
ما يقولوا مش متبنيينه بس بندعو انصارنا للاشتراك بما يرونه صحيح ومناسب...يسيبولهم حرية الاختيار ...حاجة كده زي اللي حصلت ايام انتخابات الرئاسة
لكن مش مشاركين عشان ما احدش اخطرنا
!!!
حتى دي هنختلف ليها
ياللا خير
والى اللقاء في تفاصيل اكتر على مدونتي بإذن الله...ان جالي نفس اكتب..مش عارف ليه عندي كرشة نفس من الكتابة
بس انت اوعى تتعدي.....احنا ما صدقنا
ياض؟
لا اوعى!
انت مش عارف بتكلم مين؟
هو بص، تضاربت الأقوال والمذاهب..
الليبراليين سالفي الذكر قالوا انه ولاد الصايعة الاخوان خلوا ناس وأفراد من الجماعة يعملوا الدعوة دي من عالنت وبإيميلات ولما كمل الشو الاعلامي نزلوا بيان، فسره المذكورين بأنه دعوة للناس بالاضراب..
طبعا خد في اعتبارك انه دول كتير منهم كان معارض للاضراب جملة وتفصيلا باعتباره فخ اخوانجي..
وبيؤكدوا على رايهم بتكلف الاخوان لنفي علاقتهم بالاضراب وكون الاخوان صوتهم عالنت عالي، كما شاهدنا في دعاياتهم للمحاكمات العسكرية وكدة..
نظرية..طبعا أصحابها هبل أصلا وعشان كدة سندها مجروح..
خصوصا انهم ناس موهومة زي ما وضحت سابقا..
في نظرية تانية اللي هي بيؤكدها آداء الجماعة العملي وتوجيخاتهم اللي وصلت للقواعد: الأمر اختياري تماما..كل واحد من الاخوان يعمل اللي هو شايفه..يعني الجماعة عموما مش هتتدخل فيه بصفتها..
وده مذهب الجمهور..طيب؟
طيب الجمهور زعل!..ازاي الجماعة متركبش الاعتصام؟!..
طبعا كانوا منتظرين من الجماعة انها توجه أعضاءها للإضراب وتتبناه، وطبعا كل التيارات السياسية انت عارف بينها عشم كبير..
أنا شخصيا شايفها نظريات..
في الآخر أنا أصلا مش عارف إيه دخل كفاية ولا الإخوان ولا غيرهم؟!!
سبق وقلت رأيي عند مينا (مراقب مصري) في مدونته أيام إضراب أساتذة الجامعات..الحركات الشعبية والفئوية سيبها مع أصحابها، متحاولش تلبسها لبس (صراع بين كفاية والحزب) أو (صراع بين الاخوان والحزب)..طالما هي ماشية ببيان أو من غير إيه لازمة الزمامير أصلا؟
أنا شخصيا مش عاجبني انه نزل للاخوان بيان من حيث المبدأ، مش في مضمون البيان..
صح كده
البيان - بتاع محمود عزت - هو اللي بوظ الدنيا معاك من كل ألبي
ويمكن اللي عدل المواضيع شوية بيان المرشد العام نفسه
لكن معلش المرة دي الشيطان لعبها معايا...ياترى طريقة محمود عزت هي طريقة تفكير الاخوان
ان شاء الله لأ..واللي اعرفه ان لأ..وبإذن الله هو خطا غير مقصود وجل من لا يسهو ونظن في اخواننا الخير
شوف الكلام ده على اسلام اون لاين
http://www.islamonline.net/discussiona/thread.jspa?threadID=23549
الإخوان هذا خطأ فادح ارتكبته قيادات الإخوان ...وللأسف فنجد حركة الإخوان المسلمين وباقي الحركات الإسلامية في الوطن العربي وكأنها تتخوف من السلطة ولا ترغب في تحمل المسؤولية لأنها كما تقول أن الظروف غير مواتية ....ويتجلى هذا في تخفيض الحركات الإسلامية مستوى مشاركتها في الإنتخابات ..
قد يسبب قرار الإخوان بعدم المشاركة انهيارا في ثقة الشارع المصري بهاته الحركة .. واصبح البعض يتسآل ويتذمر _( وهذا موجود بتعليقات القراء في مواقع الجرائد الإلكترونية) عن سبب عدم إعطاء الحركة للقضايا الوطنية وهموم المصريين نفس الأولوية والحجم التي تعطيها للقضايا الدولية ..وهل توجد للحركة اصلا برامج وطنية تعالج بها مشاكل المصريين ..أم فقط شعارات وتطلعات عالمية ؟؟.. مع أن أية تحركات في القضايا الداخلية أكبر تأثيرا وفعالية من التحركات تجاه القضايا الخارجية ...وهو الأمر الذي قد يؤدي إلى ردة فعل انتقامية من الشارع المصري تجاه تحركات حركة الإخوان في قضايا إقليمية تخص المسلمين ..وبالتالي إفقادها الدعم الداخلي في أية احتجاجات ...وانخفاظ الدعم والتأييد الشعبي لما قد يحدث من تطورات إقليمية .
إن لم تتدارك حركة الإخوان وتقوم بمعالجة خطئها وإعطاء التبريرات المقنعة ..فقد يتسبب موقفها هذا في :
ردة فعل شعبية غاضبة تجاه الحركة وتجاه القضايا الإقليمية التي تتبناها...أو قد تحدث انقساما حادا وانشقاق داخل الحركة وبروز تيار شبابي معارض لتوجهات ومواقف قيادات طاعنة في السن..
ويبقى التساؤل ما هو السبب الحقيقي وراء قرار الإخوان من عدم المشاركة ؟ هل هو لتخريب الإضراب وإنقاذ ماء وجه النظام ...أم لتصويب الإضراب وفق أهداف محددة ومعروفة ....
أم لأن حركة الإخوان تريد إرسال رسائل تطمينية للإدارة الأمريكية والنظام المصري من كونها لا ترغب في الإطاحة بالنظام وانها ملتزمة باللعبة السياسية الكارتونية ؟
عارف مشكلة مصر الحقيقية هي دول .. السياسيين يمين ويسار كفاية والاخوان وطبعا فوقهم الحزب الوطني علشان ماحدش يفهمني غلط
محتاجين افكار جديدة ، ناس جديدة ، تنظيمات جديدة
والله يا جنة المشكلة الأساسية انهم بيتصرفوا في الأمور السياسية بنظام الضراير اللي بتكيد لبعض، بجد مكنتش عايز أي حركة سياسية تركب الاضراب..
إيه؟..وحش الاضراب لما نعمله بدعوة من الفيس بوك؟!
بسم الله الرحمن الرحيم
انا بس عاوز اسأل سؤال , هو مين من الاخوان اللى قال اننا مش هانشارك علشان ماحدش عزمنا ؟ ولا برضه بناخد الكلام زى ما بيقولوهولنا؟ حد يا جماعة يتعب نفسه ويدخل الرابط بتاع الخبر , الطلبةبيقولوا انهم لم يتم التنسيق معاهم ولا يعرفوا ماهية هذا الاضراب ولا خلفيته السياسية , يقوم بقدرة قادر الكلام يتحول انهم مش هايشاركوا علشان ماتعزموش والناس تردد بدون تحقق , حاجة حلوة اوى .
اما موضوع فكر التيار السلفى بخصوص الاضراب فدا خرج مخرج الغالب اخى احمد نصر لأن ببساطة مشاركة السلفيين فى الحياة السياسية ضعيفة ان لم تكن معدومة , فأصبح اى عمل سياسى مشكوك فيه بغض النظر عن حقيقته .
لا يا اخ محمود...اتعب حضرتك نفسك وخش على الرابط ده
http://www.egyptwindow.net/modules.php?name=News&file=article&sid=8433
عضو هيئة الارشاد على موقع من مواقع الاخوان يقول لم توجه لنا الدعوة
هل الموضوع محتاج دعوة
لماذا لم يعرف الاخوان الناس بهية الاضراب واهداف الاضراب عن طريق وسائلهم الاعلامية
لماذا لم يفعلها شباب الاخوان بشكل منفرد بعيد عن الجماعة
حتى وبالتنصل من الموضوع لكي لا يتم الصاق تهم التخريب بهم وقد حدث تخريب فعلا....لكن ايضا لم يكن التصرف الصحيح هو هذه المقولة
كم مرة فعل الاخوان اشياء وليش شيئا دون ان ينسب اليهم وكله في مصلحة المة...هل كان صعب هذه المرة
لا هو بصوا، نظاميا الصحيح انه مفيش أي هيئة كانت تمد إيدها ولا تدعو للاضراب ولا غيره منغير فعلا ما يشوفوا المنظمين ويتفاهموا معاهم ويتفقوا على خطوط عريضة..ده لو عايزين عمل سياسي صحي فعلا..
اللي حصل من الاخوان انهم حاولوا يلتزموا بالقواعد دي..
في نفس الوقت فالفكرة من حيث مبدأها هي حق طبيعي للناس محدش يقدر يعارضه أساسا..فكان بيان المرشد معناه ببساطة انه اللي عايز يضرب يضرب لكن احنا منعرفش منطمين ولا اتفقنا مع حد على حاجة..
هو كون الاخوان لم يدعو لاضراب ده يبعدهم عن تهم كتيرة فعلا، لكن يمكن الحوارات والبيانات كان فيها اسهاب وتطويل ملوش داعي، يعني كان كافي انهم يقولوا انه اللي عايز يضرب ما يضرب وده تحرك شعبي تم بعيد عنا وخلاص يعني..الشرح والتطويل أحيانا بيدي مساحة للتفسير والانطباعات والتصيد وحاجات كتير..
لكن شباب الاخوان وبشكل منفرد كتير منهم ساند الاضراب ودعا له يا أخ صارم!..الكلام كله على موقف الجماعة الرسمي..
برغم كل اللى انت بتقوله انا مع ان الشعب يحتج يطلب بقلب جامد ومفيش وسيله للاحتجاج الا الاضراب الاضراب بمعناه الصحيح مش التخريب اللى حصل ف المحله ده اسمه ارهاب مش اضراب هستفيد ايه لمل اخرب البلد واحرق المدارس الموضوع مش ليبراليين ولا مسلمين الموضوع هو البنى ادمين الى اى مدى يستطيع البنى ادم العيش فى هزا البلد
انا صاحبه التعليق اللى فات
وانا موافقك على كلامك تماما يا بنت مصرية، أنا كنت باتكل عن موضوع تاني :)
كنت باتكلم عن بعض أصحاب المواقف المتشابهة اللي بيقعدوا يعيبوا على بعض مع انهم كلهم عملوا نفس الحاجة :)
إرسال تعليق